聽完覺得真係幾好笑 !!!

有個朋友同我講 ... 佢公司黎左個新同事 ...
岩岩出黎做野既人 ...

事緣係叫佢去 fax 一張野, 我朋友開始時見佢都 fax 左好耐, 不過不以為意 ...
跟住過左一段時間, fax 去對面個間公司打電話黎掉 ... 話
做咩 FAX 左個張 fax 九十幾次 ... !!! 唔該唔好再 fax 過黎 ...
於是佢即刻去問下新同事所為何事, 呢個新同事答佢
"我 fax 黎 fax 去佢都彈番出黎, 我咪再 fax 囉!"

我真係以為係一個笑話黎 !!!

我公司都有個同事用釘書機封信封口而比郵局全數彈番轉頭, 估唔到一山還有一山"膠" !!!